අමිතාබ් බච්චන් එහෙමත් නැත්තම් බොලිවුඩයේ Big B, අමිතාබ් ශ්‍රීවාස්තාව් ලෙස 1942 ඔක්තෝම්බර් මාසයේ අද වැනි දිනක උපත ලැබුවේය
ඔහුගේ දෙමාපියන් වන්නේ හින්දි කවියෙකු වන හරිවංශ රායි බච්චන් සහ ඔහුගේ බිරිඳ වන සමාජ ක්‍රියාකාරික තේජි බච්චන් යන දෙදෙනායි.
අමිතාබ් බච්චනගේ ජීවන සහකාරිය ජයා බහදූර් වන අතර ස්වේතා බච්චන් නන්දා සහ අබිෂේක් බච්චන් ඔහුගේ දරුවන් දෙදෙනායි.
දශක පහකට වැඩි සිනමා ජීවිතයක් තුළ අමිතාබ් බච්චන් චිත්‍රපට 200කට අධික සංඛ්‍යාවකට සිය රංඟන දායකත්වය ලබාදී ඇති බවයි ඉන්දීය මාධ්‍ය වාර්තා කරන්නේ.
බච්චන් ඉන්දියානු සිනමා ඉතිහාසයේ වඩාත්ම සාර්ථක සහ බලගතු නළුවෙකු ලෙස හැඳින්වෙනවා.
ඔහු Shahenshah of Bollywood, Sadi Ke Mahanayak, Star of the Millennium සහ Big B යන ලෙසත් බොහෝ දෙනා හඳුන්වනු ලැබේ.
1970-80 වර්ෂවලදී ඉන්දියානු චිත්‍රපට දර්ශනය ඔහුගේ ආධිපත්‍යය යටත් කර ගැනුණා.
ඔහුගේ සිනමා ජීවිතය ආරම්භ වූයේ 1969 දී Mrinal Sen’s film Bhuvan Shome (මෘනාල් සෙන්ගේ බුවන් ෂෝම්) චිත්‍රපටයේ හඬ කථකයෙකු ලෙසිනි.
ඔහු 1970 දශකයේ මුල් භාගයේදී ආනන්ද්, ජන්ජීර්, රොටි කපදා අවුර් මකාන්, දීවාර් සහ ෂෝලේ වැනි චිත්‍රපට සඳහා ප්‍රථමයෙන් ජනප්‍රියත්වයට පත් වූ අතර, පසුකාලීනව වැඩි ජනප්‍රියත්වයක් හිමිකර ගත්තේ හින්දි භාෂාවෙන් ඔහුගේ තිරයේ ඇති චරිත කිහිපයක් සඳහා ඉන්දියාවේ “angry young man” (“කෝපාවිෂ්ට තරුණයා”) ලෙස නම් කිරීමෙන්.
ඔහු 1970 දශකයේ මැද භාගයේ සිට 80 දශකයේ මැද භාගයේ සිට අමර් අක්බර් ඇන්තනී, ඩොන්, ත්‍රිශූල්, මුකද්දර් කා සිකන්දර්, සුහාග්, දොස්තානා, කාලියා, ලාවාරිස්, නසීබ්, නමක් හලාල්, කූලී වැනි විචාරක පැසසුම් සහිත ඉහළම ආදායම් ලැබූ ඉන්දියානු චිත්‍රපටවල නිරතුරුව සිය රංගන හැකියාව පෙන්වූ දැවැන්ත චරිතයක් වුණා.
එතැන් පටන් ඔහු Kabhi Khushi Kabhie Gham, Aankhen, Baghban, Veer-Zaara, Black, Bunty Aur Babli, Sarkar, Kabhi Alvida Naa Kehna, Cheeni Kum, Paa, Piku, Pink සහ Badla වැනි සාර්ථක සහ පිළිගත් චිත්‍රපට කිහිපයකටම සිය රංගනයෙන් දායක වී ඇත.
හොඳම නළුවා කාණ්ඩයේ ජාතික චිත්‍රපට සම්මාන හතරක් සහ ජාත්‍යන්තර චිත්‍රපට උළෙලවල් සහ සම්මාන ප්‍රදානෝත්සවවලදී බොහෝ සම්මාන ඇතුළුව ඔහු සිය වෘත්තීය ජීවිතය තුළ සම්මාන රාශියක් දිනා ගැනීමට ද අමිතාබ් බච්චන් සමත් වූ අතර ඔහු ෆිල්ම් ෆෙයාර් සම්මාන 16ක් දිනාගෙන ඇති අතර හොඳම නළුවා සඳහා නාමයෝජනා 34ක් සඳහා යෝජනා වී ඇති Big Bට, ඉන්දියානු රජය 1984 දී පද්ම ශ්‍රී, 2001 දී පද්ම භූෂණ, 2015 දී පද්ම විභූෂණ සහ සිනමා ක්ෂේත්‍රයේ ඉන්දියාවේ ඉහළම සම්මානය වන 2018 දී ඔහු කලාවට කළ දායකත්වය වෙනුවෙන් Dadasaheb Phalke (දාදාසාහේබ් ෆාල්කේ) සම්මානයෙන් පිදුම් ලැබුවා.
ප්‍රංශ රජය 2007 දී ඔහුගේ ඉහළම සිවිල් ගෞරව නාමය වන Knight of the Legion of honour පිරිනමනු ලැබුවේ, සිනමා ලෝකයේ සහ ඉන් ඔබ්බට ඔහුගේ සුවිශේෂී වෘත්තීය ජීවිතය වෙනුවෙන්.
