ஒரு கிலோ கிராம் கோழி இறைச்சியின் சில்லறை விலையானது 30 ரூபாவினால் குறைக்கப்பட்டுள்ளது. குறித்த தகவலை நாரஹேன்பிட்டி பொருளாதார மத்திய மையத்தின் மூத்த அதிகாரி ஒருவர் தெரிவித்துள்ளார். இது தொடர்பாக அவர் மேலும் தெரிவிக்கையில், நாரஹேன்பிட்டி பொருளாதார மத்திய நிலையத்தில் ஒரு கிலோ கிராம் கோழி இறைச்சியின் புதிய விலை ரூபா 1180 எனத் தெரிவித்துள்ளார். மேலும் கறி கோழி ரூபா 1100 ஆக விற்பனை செய்யப்படுவதாக அவர் சுட்டிக்காட்டியுள்ளார்.
அத்தோடு ஒரு கிலோ கிராம் மாட்டிறைச்சி ரூபா 2400 ஆகவும் மற்றும் ஒரு கிலோ கிராம் ஆட்டிறைச்சி ரூபா 3300க்கு விற்பனை செய்யப்படுவதாகவும் அவர் தெரிவித்துள்ளார்.
