இந்திய வெளிவிவகார அமைச்சர் கலாநிதி எஸ். ஜெய்சங்கர் உத்தியோகபூர்வ விஜயமொன்றை மேற்கொண்டு ஜூன் 20ஆம் திகதி இலங்கை வரவுள்ளதாக வெளிவிவகார அமைச்சு தெரிவித்துள்ளது.
அண்மையில் இந்தியாவில் ஜனாதிபதி ரணில் விக்கிரமசிங்கவுடனான சந்திப்பின் போது, இலங்கையில் இந்திய முதலீடுகளுடன் ஆரம்பிக்கப்பட்ட அபிவிருத்தித் திட்டங்கள் பாதியில் நிறுத்தப்பட்டிருந்த நிலையில், அவற்றை விரைவாக மீளத் தொடங்குவது குறித்துக் கலாநிதி ஜெய்சங்கர் உரையாற்றினார்.
இந்த நடவடிக்கைகளின் முன்னேற்றத்தை மேற்பார்வை செய்வதற்காக எதிர்காலத்தில் இலங்கைக்கு விஜயம் செய்ய அவர் விருப்பம் தெரிவித்தார். பிரதமரின் பயணத்தை ஒருங்கிணைக்கவும், இந்திய முதலீடுகள் மூலம் மேற்கொள்ளப்படும் வளர்ச்சித் திட்டங்களை விரைவுபடுத்தவும் விரைவில் இலங்கைக்குச் செல்வதாக அமைச்சர் ஜெய்சங்கர் உறுதியளித்தார்.
திருகோணமலையில் இந்திய அரசாங்கத்தால் நிறுவப்படும் தொழில்துறை வலயத்திற்கான திட்டங்களையும் அமைச்சர் ஜெய்சங்கர் குறிப்பிட்டார், இது எண்ணற்ற இந்திய முதலீட்டாளர்களையும் மற்ற நாடுகளிலிருந்து முதலீட்டாளர்களையும் ஈர்க்கும்.
